13.2.18

Դեպի կարիերա բիզնես քննարկումը կայացած է

Փետրվարի 8-ին տեղի ունեցավ <<Դեպի կարիերա >> բիզնես քննարկումը։ Քննարկումը կազմակերպվել է Իրավունքների Տեղեկատվական Կենտրոն ՀԿ-ի կողմից ԳՊՀ կոնֆերանս սրահում։
Հանդիպման նպատակն էր կիսվել կարիերայում հաջողության փորձով լսարանի հետ։ Հանդիպման փորձագետներն էին ԱՄՆ Խաղաղության Կորպուսի Մոնիտորինգի, հաշվետվությունների, գնահատման և փոքր դրամաշնորհների ղեկավար Հովհաննես Ստեփանյանը, լրագրող Իրինա Յոլյանը, Գորիսի զբաղվածության տարածքային կենտրոնի տնօրեն Վարուժան Գալստյանը, <<Քոնթուր Գլոբալ>> ընկերության ինժեներական խմբի ղեկավար Վլադիկ Թոխսանցը, <<Ինստիգեյթ մոբայլ>> ընկերության որակի ապահովման թիմի առաջատար մասնագետ Կառլեն Օհանյանը, ԳՊՀ Ճարտարագիտության և տնտեսագիտության ֆակուլտետի  ամբիոնի վարիչ Սամվել Պողոսյանը և <<Քոնթուր Գլոբալ>> ընկերության ինժեներ Վարդգես Հովսեփյանը։

31.1.18

ՀԱՅՏԱՐԱՐՈՒԹՅՈՒՆ


Հիշեք  օրը, որ մասնակցեք 
Փետրվարի  8  <<Դեպի կարիերա>> բիզնես քննարկում:

Միացեք  Իրավունքների Տեղեկատվական Կենտրոն  ՀԿ-ի  կողմից կազմակերպվող  և տեղացի պրոֆեսիոնալ մասնագետների մասնակցությամբ  երիտասարդների զբաղվածության թեմայով քննարկմանը։ Հրավիրված տարբեր ոլորտի  մասնագետները կխոսեն իրենց կարիերայի ուղու մասին , կտրամադրեն խորհուրդներ և կպատասխանեն կարիերայի վերաբերյալ ձեր հարցերին։
 <<Դեպի կարիերա>> բիզնես քննարկում  Փետրվարի 8, 2018 թ., Ժամը՝ 12։00   Գորիսի պետական համալսարանի կոնֆերանս  սրահ :

28.12.17

Գորիս համայնքի 2018 թ.բյուջեի հաստատում

2017 թվականի դեկտեմբերի 28-ին Գորիս համայնքի ավագանու հերթական նիստն էր հրավիրված։ Նիստի օրակարգում ներկայացված հարցերին կարող եք ծանոթանալ այստեղ:
Ավագանու նիստին ներկա էին  15 ավագանու անդամներից 14-ը։ Օրակարգում ներկայացված նախագծերին  կողմ քվեարկեցին  ներկա ավագանու անդամներից բոլորը։
Մասնավորապես որոշվեց ՝
·         Հաստատել  Գորիս համայնքի 2018 թվականի բյուջեն:
·         Փակցնել Առաքել Տեր-Մովսիսյանի հիշատակը հավերժացնող հուշատախտակը՝ Գորիս քաղաքի Սյունիքի փողոցի թիվ 17 հասցեի շենքի մուտքի պատին։

27.12.17

Հրատարակված զեկույցի հանրային քննարկումը կայացած է

2017 թ-ի դեկտեմբերի 27-ին ԻՏԵԿ ՀԿ-ն կազմակերպեց <<Սյունիքի մարզի ընդհանուր իրավասության դատարանում զինվորական և քաղաքացիական գործերում ներգրավված քաղաքացիներին տրամարվող անվճար իրավաբանական օգնության  մատչելիության խնդիրների մոնիտորինգ>> թեմայով զեկույցի քննարկում։ Քննարկմանը ներկա էին զինվորական սպաներ, ռազմական ոստիկանության սպաներ, քննիչներ, իրավաբաններ, փաստաբաններ, ավագանու անդամներ, լրագրողներ, հասարակական կազմակերպությունների ներկայացուցիչներ, շահագրգիռ անձինք և ակտիվ քաղաքացիներ։  Հանդիպման ընթացքում ներկայացվեց կազմված զեկույցը և նրանում տեղ գտած՝ անվճար իրավաբանական օգնության տրամադրման արդյունավետության և որակի բարձրացման  վերաբերյալ  առաջարկություններ։ Ներկաների մասնակցութամբ տեղի ունեցավ արդյունավետ քննարկում, որի արդյունքում ունեցանք ոլորտի հետ կապված նոր առաջարկություններ։ Զինվորական սպաները համամիտ էին զեկույցում տեղ  գտած խնդիրների, մասնավորապես, առկա դատական նիստերի ձգձգումների, զինվորականների հանրային պաշտպան ունենալու խնդիրների  և առկա խնդիրների շուրջ արված առաջարկությունների հետ։ Քննարկմանը ներկա իրավաբաններն ու փաստաբանները ևս անդրադարձան հանրային պաշտպանների ծանրաբեռնվածության և նրանց կողմից տրամադրվող անվճար իրավաբանական օգնության տրամադրման որակի հարցերին։

20.12.17

ԶԵԿՈՒՅՑ

ՍՅՈՒՆԻՔԻ ՄԱՐԶԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ԴԱՏԱՐԱՆՈՒՄ  ԶԻՆԾԱՌԱՅՈՂՆԵՐԻՆ  ԵՎ ՔԱՂԱՔԱՑԻԱԿԱՆ ԳՈՐԾԵՐՈՒՄ ՆԵՐԳՐԱՎՎԱԾ  ՔԱՂԱՔԱՑԻՆԵՐԻՆ  ՏՐԱՄԱԴՐՎՈՂ ԱՆՎՃԱՐ ԻՐԱՎԱԲԱՆԱԿԱՆ ՕԳՆՈՒԹՅԱՆ ՄԱՏՉԵԼԻՈՒԹՅԱՆ  ԽՆԴԻՐՆԵՐԻ ՄՈՆԻԹՈՐԻՆԳԻ

ԱՐԴՅՈՒՆՔՆԵՐ