24.1.12

119 քրեական գործ` 3 ամսում

2011թ.-ի հոկտեմբերի 1-ից մինչ դեկտեմբերի 15-ը Սյունիքի մարզի ընդհանուր իրավասության Գորիսի դատարանում քննվել են 119 զինծառայողներին առնչվող դատական գործեր: Այդ գործերից 8-ը մահացության դեպքեր էին, որից 4-ը` ինքնասպանություն: 
Զինծառայողներին առնչվող 44 դատական գործ կապված է ծառայության ժամանակ հաճախ հանդիպող  ոչ կանոնադրական հարաբերություններին /իրականում ծեծ, քաշքշուկ, արժանապատվությունը վիրավորող հայհոյանքներ և այլն/: 
31 գործ վերաբերվել է  ծեծկռտուքների, տարբեր տիպի վիճաբանությունների արդյունքում առողջության վնաս հասցնելու դեպքերին: 
Անդամախեղման և  զորամասը ինքնակամ լքելու մեղադրականով քննվել է 18 գործ: 
18 դատական գործ վերաբերվել է իշխանազանցություն, դրամաշորթություն ու կարգուկանոնի խախտման դեպքերին (աղբյուրը`Datalex.am):
Սյունիքի մարզի ընդհանուր իրավասության դատարաններում շատ են նշված գործերը, որովհետև սահմաններում տեղակայված զորամասերում տեղի ունեցած դեպքերը քննվում են առավելապես Սյունիքի մարզի դատարաններում, սակայն , ինչպես արդեն գրել ենք,  որոշ քրեական գործերի քննությունը ըստ Datalex  կայքի, նշանակված են լինում Գորիսում, բայց հաճախ տեղի են ունենում  ԼՂՀ-ում :
Խնդրի առնչությամբ <<ԻՏԵԿ>> ՀԿ-ն նամակ է ուղղել Արդարադատության նախարարություն` պարզաբանումներ ստանալու ակնկալիքով (դեռևս պատասխան չենք ստացել):