2012 թվականի հունվարի 27-ին ԻՏԵԿ ՀԿ-ն ներկա էր Սյունիքի մարզի Կապան քաղաքի ընդհանուր իրավասության դատարանում կայացած դատական նիստերից մեկին (գործին առնչվող մանրամասները տես` այստեղ):Դատավարությունից հետո ԻՏԵԿ ՀԿ-ն զրուցել է գործին մասնակցող հանրային պաշտպան Ռուբեն Ղազարյանի հետ: Այն հարցին, թե զինվորականներին առնչվող դատական գործերը աճելու թե նվազելու միտում ունեն , պաշտպանը պատասխանեց, որ թեև ՀՀ զինդատախազ` պր-ն Կոստանյանը իր մամլո ասուլիսում նշել է, թե ըստ վիճակագրական տվյալների զինծառայողներին առնչվող միջադեպերը նվազել են ամբողջ հանրապետության մակարդակով, սակայն Սյունիքի մարզում դեռևս պահպանվում է նույն վիճակը: Խոսելով զինծառայողների իրավագիտակցության մակարդակի մասին, պաշտպան Ռուբեն Ղազարյանը նշեց. “Այն զինվորները կամ սպաները, որոնք երկրորդ կամ երրորդ անգամ են դատվում, նրանց իրավագիտության մակարդակը բարձր է, իսկ մնացածն այնքան էլ տեղեկացված չեն իրենց իրավունքների մասին: Նույնիսկ եթե քնչական բաժինը չտեղեկացնի նրանց, որ եթե վճարունակ չես դու կարող ես ունենանլ հանրային պաշտպան, նրանք հանրային պաշտպանի գրասենյակի, դրա ծառայություններից օգտվելու իրենց իրավունքի վերաբերյալ չեն էլ իմանա”:
Комментариев нет:
Отправка комментария