26.6.12

"Խոսքի ազատության և խաղաղ հավաքների ազատության իրավիճակը Սյունիքի մարզում"


Այսօր Գորիսի մամուլի ակումբում տեղի ունեցավ ԻՏԵԿ ՀԿ-ի կողմից հրատարակված "Խոսքի ազատության և խաղաղ հավաքների ազատության իրավիճակը Սյունիքի մարզում" զեկույց-գրքույկի շնորհանդեսը:
Զեկույցը հրատարակվել է «Մոնիտորինգը և հանրային իրազեկումը որպես իրավունքների պաշտպանման երաշխիք» ծրագրի շրջանակներում:
Մոնիտորինգն իրականացվել է իրավապաշտպան ոլորտում սկսնակ կամավորական երիտասարդների մասնակցությամբ և կրում է նաև ուսուցողական բնույթ:
Մոնիտորինգի ընթացքում
• Ուսումնասիրվել է Սյունիքի մարզում հրատարակվող 6 անուն թերթերի (տպագիր և էլեկտրոնային) 2011թ հոկտեմբեր-դեկտեմբեր ամիսներին հրատարակված համարները/ 18 լույս տեսած համար/
• Դիտարկվել է հեռարձակվող 4 հեռուստաընկերությունների հեռարձակած ,,Լուրեր,, հաղորդաշարի բովանդակային մասը /400 րոպե/:
•Հարցումներ են կազմակերպվել 140 քաղաքացիների շրջանում,
• 8 հարցումներ են ուղարկվել Սյունիքի մարզի Գորիսի, Կապանի, Մեղրիի, Սիսիանի համայնքային իշխանություններին` տեղեկատվություն ստանալու ազատության և խաղաղ հավաքներ անցկացնելու ազատության հետ կապված իրավիճակի ուսումնասիրության նպատակով:
Աղբյուրը՝  Գորիսի Մամուլի Ակումբ