10.3.14

Գորիսը պետք է ունենա իրեն հարիր համայնքի ղեկավար

Գորիս համայնքում 2014թ հունիսին սպասվում են համայնքի ղեկավարի ընտրություններ :
Նշենք , որ գորիսեցիները  ուղակի ընտրությունների միջոցով քաղաքապետ են ընտրել                1999թ-ից :    Թե ինչպես են ընդհանրապես Հայաստանում կայացել  բոլոր տեսակի ընտրությունները սկսած 1996թ ից, արձանագրված է ինչպես ականատես քաղաքացիների հիշողությունում, այնպես էլ պատմական արխիվներում: Ցավոք, ՀՀ քաղաքացու մեջ դեռևս կարծրացած է ազատ և արդար ընտրությունների միջոցով նոր իշխանություններ ձևավորելու անհնարինության ,,սինդրոմը,, :
Գորիսի քաղաքապետի  նախորդ  ընտրությունների ընթացքը, իր ողջ նախընտրական ինտրիգներով,  ու տեղական  ,,ֆեոդալների,, մտրակների  օգտագործմամբ , կարծես անվստահության ու անհետաքրքրության միջավայր էին ստեղծել  տեղական ինքնակառավարման մարմինների նկատմամբ :

Իրավիճակը բոլորովին այլ է առաջիկայում սպասվող Գորիսի քաղաքապետի ընտրությունների պարագայում:   Գորիսեցիների համար նոր հույսի աղբյուր է բացվել` մրցակցային և արդար պայմաններում ընտրել Գորիսին արժանի համայնքի ղեկավար, որն  ունենալով ընտրողների մեծամասնության արդար քվեները, կկարողանա կոնսոլիդացնել հանրությանը , հիմնական նպատակ սահմանելով   համայնքի զարգացումը: Միայն արդար և մրցակցային ընտրությունների պայմաններում ընտրված քաղաքապետը կկարողանա ընդունել նետված մարտահրավերները : 
Գոնե այս անգամ, գորիսեցիները ուղակի պատվի հարց պետք է համարեն ու մերժեն ցանկացած  ,,թայֆաբազություն,, և նյութապաշտություն:  Այս անգամ հստակ հնարավորություն կա ցույց տալու և պարտադրելու ազատ քաղաքացիների կամքը: 
Կա հնարավորություն` ՈՉ ասելու անարժաններին
 Արդեն նկատելի է Գորիսի երիտասարդության,ուսանողների, մտավորականության  հստակ  կամքը` տեր կանգնելու իրենց քվեներին:  Սա խաղի նոր կանոններ են և այս խաղում բարին հաղթելու է չարին :  
Գորիսը պետք է ունենա իրեն հարիր համայնքի ղեկավար, որը բոլորի համար կլինի հանդուրժողականության, համախմբման , հույսի և վերածննդի  նոր գործընթացների առաջնորդ: