21.3.16

ՀԿ-ն դատապարտելի է համարում Գորիսի դեպքը

2016 թ Մարտի 21 –ին սոցցանցերում և Հայաստանի տեղական մամուլում է հայտնվել ,,Գորիսի ոստիկանապետը ծեծի է ենթարկում իր տեղակալի եղբորը ,,  վերնագրով տեսանյութը: Տեսանյութը նկարահանված է Գորիսում գտնվող հյուրանոցային համալիրի տարածքը տեսանկարահանող սարքավորումների միջոցով:
Տեսանյությում առկա են քաղաքացիների նկատմամբ բռնության և ծեծի կիրառման դրվագներ: Տեսանյութի հեղինակների կողմից /Armlur.am / նշվում է ՀՀ Ոստիկանության Գորիսի բաժնի պետի և այլ պաշտոնատար անձանց անուններ, որոնք անմիջական մասնակցություն են ուենում տեսանյությում երևացող  բռնությունների և ծեծի արարքներում:
Իրավունքների Տեղեկատվական Կենտրոն իրավապաշտպան կազմակերպությունը դատապարտելի է համարում քաղաքացիների և  ոստիկանության բաձրաստիճան պաշտոնատար անձանց մասնակցությամբ  քաղաքացու և անձի նկատմամբ կիրառվող բռնությունը:  Առկա են ՀՀ Սահմանադրությամբ, գործող օրենքներով և Մարդու Իրավունքների Կոնվենցիայի համապատասխան հոդվածներով նախատեսված իրավունքների կոպիտ խախտումներ:

Իրավունքների Տեղեկատվական Կենտրոն ՀԿ-ն  պահանջում է ՀՀ  Ոստիկանության ղեկավարությունից, կատարել  թափանցիկ ծառայողական քննություն , արդյունքների մասին տեղյալ պահել հանրությանը և արդարացի պատիժ սահմանել  ծառայողական դիրքի հնարավոր չարաշահումների համար: