Բաց նամակ, 7 հարց Գորիսի համայնքի ղեկավարությանը և ավագանու անդամներին

ԲԱՑ ՆԱՄԱԿ ԳՈՐԻՍ ՀԱՄԱՅՆՔԻ ՂԵԿԱՎԱՐՈՒԹՅԱՆԸ, 

ԱՎԱԳԱՆՈՒ ԱՆԴԱՄՆԵՐԻՆ 

2016թ մայիսի 23-ին, ժամը 10.00-ին նշանակված է Գորիս համայնքի ավագանու արտահերթ նիստ:

Նիստի օրակարգում ընդամենը 1 հարց է
,,ՀԱՅՋՐՄՈՒՂԿՈՅՈՒՂԻ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆԸ ՍԵՓԱԿԱՆՈՒԹՅԱՆ ԻՐԱՎՈՒՆՔՈՎ ԱՆՀԱՏՈՒՅՑ ԳՈՒՅՔ ՀԱՆՁՆԵԼՈՒ ՄԱՍԻՆ
Նախատեսվում է Գորիս համայնքի սեփականությունը հանդիսացող խմելու ջրի և կոյուղու ներքին ցանցը ԱՆՀԱՏՈՒՅՑ հանձնել Հայջրմուղկոյուղի ՓԲԸ-ին:

Հանրության մոտ առկա են մի քանի հարցեր, որոնց պատասխաններին սպասում են Գորիս համայնքի բնակիչները

1. Ինչով է պայմանավորված նիստի արտահերթ կարգավիճակը,արդյոք այդքան           հրատապ ,օպերատիվ լուծում պահանջող հարց է:
2. Ինչպիսի տնտեսագիտական, ռազմավարական զարգացման վերլուծություններ են արվել, և ինչ ցուցանիշերն են հիմնավորում Գորիսի համար բավականին թանկ գույքը անհատույց օտարելու համար:
3. Ինչու համաձայն ՏԻՄ մասին օրենքի հոդված 33.1 կետով չի ապահովվել այդչափ կարևոր հարցի վերաբերյալ հանրային լսումների,քննարկումների ապահովումը:
4. Արդյոք այդ որոշման ընդունումը բխում է ՏԻՄ օրենքի հոդված 9-ից և պաշտպանված են արդյոք համայնքի շահերը:
5. Ինչպիսի երաշխիքներ կան և ով է կրելու պատասխանատվություն՝ հետագայում Գորիսի բնակիչների համար որակյալ և մատչելի ջրամատակարարման ,ջրահեռացման ծառայությունների ապահովման համար:
6. Ինչու է անհատույց նվիրաբերվում 5 մլրդ դրամից ավել արժեցող համայնքի գույքը, արդյոք տեղական իշխանությունները, ավագանու անդամները պատրաստ են լինելու հետագայում իրենց վրա վերցնել այդ պատասխանատվությունը:
7. Ով, որտեղ և ինչպես են հարցրել Գորիս համայնքի բնակիչների կարծիքները, արդյոք գորիսեցիները համաձայն են իրենց համայնքի այս պահի դրությամբ ամենաթանկ և կարևոր նշանակություն ունեցող գույքը անհատույց տրամդրել այլ կազմակերպության:

Եթե համայնքային իշխանություները, ավագանու անդամները ունեն այս և այս հարցերից բխող բազմաթիվ հարցերի պատասխանները, մենք պատրաստ ենք դրանք լսելու և համատեղ քննարկելու:

Սույն նամակը բաց է ստորագրելու համար, որին կարող են միանալ կազմակերպություններ, միավորումներ, անհատներ:

1. Իրավունքների Տեղեկատվական Կենտրոն ՀԿ