22.3.17

Բանավեճ Գորիս և Կապան քաղաքներում

 ՀՀ Ազգային ժողովի 2017 թվականի ապրիլի 2-ի ընտրություններին ընդառաջ ԻՏԵԿ ՀԿ-ն << Իրազեկում երիտասարդներին ընտրական գործընթացների մասին>> ծրագրի շրջանակներում կազմակերպել է բանավեճ-քննարկումներ կուսակցությունների և դաշինքների կողմից առաջադրված պատգամավորի թեկնածուների և ներկայացուցիչների միջև՝ Գորիս և Կապան քաղաքներում:
 Գորիսում բանավեճը կազմակերպվել էր Մարտի 17-ին, իսկ Կապանում՝ մարտի 21-ին:   Բանավեճերի նպատակն էր  երկխոսության ակտիվացմանը հանրության և քաղաքական կուսակցությունների ու դաշինքների միջև։ Հնարավորություն տալ բնակչությանը՝ հատկապես երիտասարդներին, բարձրաձայնել  կարևորագույն հարցեր և հասկանալ  կուսակցությունների ու դաշինքների դիրքորոշումները կոնկրետ հարցերի շուրջ:          Բանավեճի ընթացքում քաղաքական կուսակցությունների ներկայացուցիչները և պատգամավորի թեկնածուները  ներկայացրեցին   իրենց ծրագրերը և դիրքորոշումները  առկա հիմնախնդիրների  ու դրանց լուծման հնարավորությունների վերաբերյալ: Քննարկմանը ներկա էին 30-ից ավելի երիտասարդներ և լրագրողներ: Կապանում բանավեճին ներկա էին նաև  ԵԱՀԿ դիտորդական անդամներ:  Բանավեճները հեռարձակվեցին օնլայն տարբերակով , որի ընթացքում էլ քաղաքական կուսակցությունների ներկայացուցիչներն ու պատգամավորի թեքնածուները  պատասխանեցին նաև ֆեյսբուքյան օգտատերերի կողմից ուղարկված հարցերին: