30 երիտասարդներ վերապատրաստվել են քաղաքական համակարգի և ընտրական իրավունքների թեմաներով

 2017 թ-ի մարտի 5-ին «Գորիս» հյուրանոցի կոնֆերանս սրահում կայացավ   «Իրազեկում երիտասարդներին ընտրական գործընթացների մասին» ծրագրով նախատեսված հերթական  դասընթացը: Սյունիքի մարզից ընտրված 30 երիտասարդներ ծանոթացան  ընտրական նոր գործընթացներին¸  ընտրության կարգին և ընտրողի իրավունքներին¸ ինչպես նաև ԱԺ համակարգի կառուցվածքին , մանդատների բաշխման, կայուն մեծամասնության ձևավորման, ռեյտինգային ցուցակների և այլ հետաքրքրող թեմաներին: : Դասընթացի մասնակիցները   տեսաֆիլմերի , սոցգովազդների միջոցով տեղեկացան ընտրական գործընթացների և ընտրողի իրավունքների մասին: Եղան բավականին հետաքրքիր քննարկումներ, հարց ու պատասխան: Դասընթացը վարում էր   ,,Իրազեկ Քաղաքացիների Միավորում,, ՀԿ-ից Դանիել Իոննիսյանը:

Դասընթացի վերջում  Կապանի և Գորիսի մասնակիցները  բաժանվեցին  15ական  աշխատանքյաին խմբերի, որպեսզի յուրաքանչյուր խումբ իր համայնքում, ուսումնական հաստատությունում կազմակերպի ընտրողի իրավունքների և արդար ընտրությունների կարևորության մասին իրազեկման պրեզենտացիաներ, խմբային քննարկումներ :  Ակնկալվում է, որ մոտ 450 ուսանող անմիջապես մասնակից կդառնան քննարկումներին:   Նպատակն է՝ տեղեկատվությունը հասանելի դարձնել  Սյունիքի մարզի շուրջբ    2500  ուսանողների և երիտասարդների համար : Առաջկայում վերապատրաստված ուսանողների նախաձեռնությամբ և անմիջական մասնակցությամբ Գորիսում և Կապանում կկազմակերպվի բանավեճ ԱԺ ընտրություններին մանսակցող կուսակցությունների, դաշինքների, պատգամավորի թեկնածուների միջև: