Գորիսում մոտ 4275 քաղաքացի դուրս է տեղական իշխանությունների ազդեցությունից

Արդեն անցյալում գտնվող 2017թ ապրիլի 2-ին կայացած ԱԺ ընտրությունների արդյունքների վերլուծություններից հետաքրքիր տվյալներ կարելի է ֆիքսել:

Գորիսում,որը ցավոք հայտնի է որպես իշխանությունների կողմից խիստ վերահսկելի համայնք,այս ընտրություններին նույնպես  շեշտը դրված էր հիմնականում վարչական ռեսուրսի օգտագործման և ընտրակաշառքի վրա:
Այդուհանդերձ,իշխող ՀՀԿ կուսակցությունը և կուսակցության կողմից առաջադրված ռեյտինգային թեկնածուները ահռելի ռեսուրսների ծախսման, վարչական ռեսուրսների օգտագործման, պետական հիմնարկների, համայնքային կազմակերպությունների, սոցիալական ծառայությունների,ուսումնական հաստատությունների, քրեական տարերի և այլ խմբերի ներգրավման և բավականին մեծ գումարների բաշխման պարագայում Գորիս քաղաքում ունեցել են հետևյալ արդյունքները.

Այսպես  .
Գորիս քաղաքում ընտրողների ընդհանուր թվը ՝ 16270 մարդ

Ընտրություններին մասնակցածների թիվը ՝         9689  մարդ,որից

1. Առուշ Առուշանյանի օգտին քվեարկել է     3496 ընտրող  կամ    36 %
2. Աշոտ Արսենյանի օգտին քվեարկել է          1216 ընտրող,  կամ   12 %
3. Վահե Հակոբյանի օգտին քվեարկել է          702  ընտրող, կամ     7 % 

Կարող ենք արձանագրել, որ մոտ  Գորիս քաղաքի մոտ 4275 բնակիչ կամ ընտրողների 45% -ը դուրս է տեղական իշխանությունների ազդեցությունից: