2.4.17

Ընտրությունների ընթացքը Գորիսում

2017թ ապրիլի 2-ին, մինչև ժամը 13.00-ն ,Իրավունքների Տեղեկատվական Կենտրոն ՀԿ-ի աշխատակիցները այցելել են Գորիս համայնքում տեղակայված 7 ընտրական տեղամասեր: Որոշ տեղամասերում ընտրողների քանակի ակտիվության պատճառով նկատելի էր հերթեր, կուտակումներ ՝ ընտրատեղամասի նախասրահներում :
Հարկ է անպայման ֆիքսել կարևոր մեկ փաստ:
Բոլոր տեղամասերում այլ դիտորդների հետ  կային նաև դիտորդներ / հիմնականում հանրությանը քիչ հայտնի կամ ոչ ակտիվ հասարակական կազմակերպությունների կողմից հավատարմագրված/ որոնց հետ զրույցի ընթացքում նրանք միամտաբար հայտնում էին ,  որ իրենք  ընտրատեղամաս են եկել կոնկրետ կուսակցության շահերի պաշտպանության համար:
Այս հանգամանքը շատ մտահոգիչ է, որովհետև սա լուրջ հարված կարող է լինել  քաղաքացիական հասարակության իսկական ներկայացուցիչների բարի համբավի և հեղինակության համար :
Առավել քան զարմանալի է, երբ միջազգային լուրջ կազմակերպություններ, դոնոր կառույցներ ֆինանսավորում են նման կազմակերպությունների դիտորդական գործունեությունը:

ՀԿ-ի աշխատանքային թիմը շարունակում է մոնիտորինգը  Գորիսի ընտրատեղամասերում :